Te Paki o Autahi, wāhi mai ki te rangi ki runga o Tihirau — te whetū mārama, te whetū tākiri i te tau. 

He tohu a Te Paki o Autahi ki ngā uri a Te Whānau a Apanui kia hoki mai ai ki te kaenga, ki te whakanui i te tau hou.

Ko ngā whetū o te iwi nei, a Te Whānau a Apanui — ko Autahi, ko Rehua, ko Kopa.
Ko Autahi kei runga. He tohu e whakaatu ana i te taenga mai o te tau hou Māori, e ai ki Te Whānau a Apanui, ā, e tohu ana kua tae mai te ika tapu a Rehua, arā, ko Moki.

Ko Rehua kei waenganui. Ko Rehua te matua o Moki ki Huiterangiora i Hawaiki. He whetū hoki a Rehua e kaha kōrekoreko ana i te tuawaru o ngā marama o te maramataka Māori. Ko Te Waru o Rehua tērā.

Ko Kopa te whetū kei raro. Ka kitea hei kāpehu — nāna hoki ngā waka i ārahi mai i Hawaiki ki Aotearoa. Whāia te iti a Kopa kia nui.